Du kan sende til flere av gangen. Skill adressene med komma.
En lenke til artikkelen blir lagt til i eposten.
Alle dammar og andre vassdragsanlegg som kjem inn under virkeområdet til vassressurslova er underlagte offentleg tilsyn.
Avgjerder om offentleg tilsyn finst også som konsesjonsvilkår. Det offentlege tilsynet med vassdragsanlegg er delt i eit damtilsyn (tidl. vassdragstilsynet) og eit natur- og miljøtilsyn. Det er seksjon for damsikkerhet i NVE (damtilsynet) som fører tilsyn med at eigarane av dammar og andre vassdragsanlegg planlegg, byggjer og driv anlegga slik at sikkerheita for menneske, miljø og eigedom blir teken vare på.
Konsekvensane for menneske, miljø og eigedom ved eit eventuelt brot på dammar/vassdragsanlegg er utslagsgjevande for omfanget av NVE sitt tilsyn med sikkerheita og omfanget av krav som stillast til eigaren og anlegget. Konsekvensar ved eit eventuelt brot avgjer om anlegget skal klassifiserast i klasse 4, 3, 2 eller 1, eller om anlegget har mindre konsekvensar og kan plasserast i klasse 0.
NVE sin kontroll med anlegga i klasse 4, 3, 2 og 1 skjer gjennom revisjonar av internkontrollsystem, stikkprøver, og godkjenning av revurderingar, flaumutrekningar mv. Andre tilsynsoppgåver som også inkluderer eigarar av klasse 0-anlegg, er til dømes informasjon om regelverket som gjeld sikkerheit og vurdering av sikringstiltak av omsyn til ferdsel på og i nærleiken av vassdragsanlegg.