Du kan sende til flere av gangen. Skill adressene med komma.
En lenke til artikkelen blir lagt til i eposten.
Norges vassdrags- og energidirektorat (NVE) tilrår Olje- og energidepartementet (OED) å gje Sogn og Fjordane Energi Produksjon (SFE) konsesjon til å bygge Randalen småkraftverk og Østerbø kraftverk i Østerbøvassdraget i Høyanger kommune i Sogn og Fjordane.
NVE rår også til regulering av Nykjevatnet, inntak av Rusteelvane og inntak av fire elvar/bekkar i Randalen. Vidare vert det tilrådd overføring av Strupefossvatnet frå Mjølsvikvassdraget.
Utbyggingsprosjektet føreset bygging av om lag 6 km anleggsveg frå Østerbø og opp til Randalsbrekka, og i Randalen vert det etablert eit massedeponi for om lag 290 000 m3 tunnelmasse.
Den samla energiproduksjonen i kraftverka vert minst 185 GWh/år som tilsvarar straumforbruket for 9250 husstandar.
NVE legg vesentleg vekt på at prosjektet gjer eit monaleg bidrag til produksjon av fornybar energi, og meiner at tiltaket sine verknader for miljø og naturressursar er akseptable. NVE foreslår slepping av minstevassføring ut frå Strupefossvatnet og i Brekkelva i Randalen saman med andre avbøtande tiltak.
Prosjektet utløyser trong for bygging av om lag 20 km 132-kV kraftleidning frå Østerbø og sørover til Stordalen. Den endelege handsaminga av søknaden om kraftleidningen skal gjerast i etterkant av ein eventuell konsesjon til kraftverka.
NVE meiner at ein trasé frå planlagt kraftstasjon, over Østerbøvatnet og via Systølvatnet og Årsdalsvatnet til eksisterande koblingsanlegg ved Stordal kraftverk ( alternativ C) totalt sett vil være den traséen som gir minst ulemper.
Les meir om Østerbø kraftverk.
Nærmare informasjon:Avdelingsdirektør Rune Flatby tlf 416 78203Seksjonssjef Carsten Stig Jensen, tlf 908 50206