Du kan sende til flere av gangen. Skill adressene med komma.
En lenke til artikkelen blir lagt til i eposten.
Alle kraftleverandørar skal informere kundane sine om korleis krafta dei brukte føregåande år, vart produsert. Dette kallast ein varedeklarasjon.
Varedeklarasjon 2010
Kravet følgjer av pålegg gjeve i EUs eldirektiv , og gjeld i Noreg gjennom NVEs forskrift om måling og avrekning.
Kraftleverandørar som nyttar opphavsgarantiar kan presentere sin eigen varedeklarasjon. Kraftleverandørar som ikkje nyttar opphavsgarantiar, må vise til NVEs varedeklarasjon.
Opphavsgarantiar (opprinnnelsesgarantier)
Ein opphavsgaranti viser kva for energikjelde straum er produsert frå. Ein varedeklarasjon med opphavsgaranti for fornybar straum gjev kundane ein garanti for at dei berre betalar for straum frå fornybare energikjelder.
Opphavsgarantiar vert skrivne ut for alle typar produksjon, men er mest vanleg for fornybar straum. Kraftprodusentane kan få opphavsgarantiar som gjer at dei kan selje straum med opphavsgaranti til straumleverandørane, som sel straumen vidare til straumkundane. Når straumkundane kjøper straum med opphavsgaranti, vert opphavsgarantien innløyst for å sikre at den ikkje vert seld fleire gongar.
Opphavsgarantiar kan seljast til norske og utanlandske straumkundar. Ved eksport av opphavsgarantiar sel norske produsentar den ”fornybare eigenskapen” ved fornybar straum til kundar i andre land, sjølv om den fysiske straumen dei brukar ikkje kjem frå Noreg.
Les meir om opphavsgarantiar (opprinnelsesgarantier)
NVE sin varedeklarasjon
NVE sin varedeklarasjonen syner gjennomsnittleg fordeling på energikjelde og brutto import for straumen det ikkje er innløyst opphavsgarantiar for i Noreg. NVE sin varedeklarasjon vert òg kalla ”forbruksmiks” fordi den viser at straumen kjem frå ein miks av energikjelder.
NVE sin varedeklarasjonen tek utgangspunkt i total produksjon og import av straum til Noreg. Det vert korrigert både for netto eksport av opphavsgarantiar, og opphavsgarantiar som er nytta ved sal til norske kundar.
Den straumen det er eksport opphavsgarantiar for, vert merka ”ukjend” fordi vi ikkje veit kva slags straum som ”erstattar” denne krafta. Kraft med opphavsgarantiar som er seld i Noreg, vert trekt i frå totalforbruket som inngår i NVE sin varedeklarasjon. Den delen av norsk fornybar produksjon det ikkje er innløyst opphavsgarantiar for, inngår i varedeklarasjonen som fornybar energi.