Du kan sende til flere av gangen. Skill adressene med komma.
En lenke til artikkelen blir lagt til i eposten.
NVE gjev ut rapportar med overslag for kostnadar ved ulike former for energiproduksjon. Desse er basert på faktiske kostnadar henta inn frå marknaden, og kan nyttast ved grove overslag i tidlege prosjektfasar eller ved analysar. Denne informasjonen er samla i to rapportar, som jamleg vert oppdaterte.
Kostnadar for kraft og varme
Denne rapporten gjev eit breidt oversyn over utbyggings- og driftskostnadar ved ulike former for fornybar og ikkje-fornybar produksjon av kraft og varme. Rapporten gjev også utslepp frå kraft- og varmeproduksjon og prisar for energiberarar.
Her finn ein også investeringskostnadar for kraftliner og kabelanlegg og alternative distribusjonssystem som fjernvarme og naturgass.
Rapporten vart sist oppdatert i 2011, og neste versjon kan ventast i 2014.
Rapport for nedlasting:
Kostnader ved produksjon av kraft og varme (pdf)
Kostnadsgrunnlag for vasskraftverk
Desse rapportane gjev investeringskostnadar for alle element i eit vasskraftverk, som turbinar, generatorar, røyr og tunnelar, dammar osb. Ein rapport tek føre seg kostnadane for små kraftverk, altså mindre enn 10 MW; medan ein tek føre seg dei større.
Det vert årleg henta inn informasjon om prisutviklinga i marknaden, slik at det er muleg å justere kostnadsnivået mellom kvar hovudoppdatering.
Rapportane vart sist oppdaterte med kostnadsnivå 1.1.2010, og neste oppdatering kan ventast i 2015.
Rapportar for nedlasting:
Kostnadsgrunnlag for små vannkraftanlegg (pdf)
Kostnadsgrunnlag for vannkraftanlegg (pdf)
Engelske versjonar:
Cost base for small-scale hydropower plants (pdf)
Cost base for hydropower plants (pdf)
Årleg vert det utarbeidd indeksar for kostnadsutviklinga for vasskraftprosjekt. Det vert laga indeksar for desse fagområda: maskin, elektro, bygg generelt, tunnelar og dammar (fyllingsdammar). Indeksane kan lastast ned til høgre, under "Relatert informasjon".